الرئيسيةالبوابةاليوميةمكتبة الصورس .و .جبحـثالأعضاءالمجموعاتالتسجيلدخول

شاطر | 
 

 قــصــص من حـــيـــاه الأعضــــاء

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
almalika-ayaaa
المـــدير العــام
المـــدير العــام
avatar

عدد الرسائل : 3934
  :
تاريخ التسجيل : 16/08/2008

مُساهمةموضوع: قــصــص من حـــيـــاه الأعضــــاء    الثلاثاء 12 أكتوبر - 10:25







السلام عليكم ورحمة الله وبركاته

حبيــــت انغيـــر شـــوي فــــي قصصنــــا

وبـــدال مــــا ننقـــل قصــص نكتـــــب نــحن عــــن نفسنــــــــا فــــي

بحيث كل عضو يكتب عن قصة صارت له في حياته

أن كانت حزينة او طريفة او حادثة حصلت له أو موقف صادفه أو اي شيء


دمتم في حفظ الرحــــمـــن...








عدل سابقا من قبل almalika-ayaaa في الثلاثاء 12 أكتوبر - 12:06 عدل 3 مرات
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
دموع الفراق
عضو جديد
عضو جديد


انثى
عدد الرسائل : 6
العمر : 31
  :
تاريخ التسجيل : 27/09/2008

مُساهمةموضوع: رد: قــصــص من حـــيـــاه الأعضــــاء    الثلاثاء 12 أكتوبر - 10:44

السلام عليكم ورحمة الله وبركاته
انا حبيت احكي قصة حياتي من بدايتهاا
من لما اوعيت على الدنيا وحبيت اعملها اجزاء
انا اخت من بين اربع بنات وخمس صبيان
عشت طفولة مدلله وبين اهل بيخافو الله
انا عشت اول 8 سنين من حياتي برا بلدي
كنا دايما من بلد لبلد كانت ايام حلوة كتير
رجعنا لبلدنا سنة 1990 وكتير حبيت المنطقة
انا هلء اتزكرت موقف صار معي وانا صغيرة
بعد ما ارجعنا لبلدنا في شهرين كنا بنلعب على اساس يعني اولاد صغار
ابن عمتي بيحكيلي اوقفي هنيك بقلوو لا بخاف في نحلة
قلي ما راح تعملك شي هالنحلة روحي
رديت عليه ورحت اوقفت شوي قرصتني النحلة على رقبتي
وقعدت اعيط وابكي الكل يقلولو شبكي
وانا ما عم اقدر جاوب __ مع العلم اني معي حساسية من وقت ميلادي __ وقتها الموقف الي صار
صار معي منو مضاعفات اخدوني فورا على المركز الصحي اعطاني دواء وقال لاهلي خدوها على
المشفى
المهم يعني من اول فترة كان الاستقبال الي من النحلة ههههههههههههههههه
فتت المدرسة على الصف التاني والحمدلله كنت من المتفوقات في الصف لحد اخر صف قراتو
انا دراستي كانت للصف 11
ممممممممممم شو صار معي كمان مواقف ممممممم
ما بتزكر شو في كمان مواقف وانا بهداك العمر
بس الحمدلله كانت طفولة حلوةةةة
وقتها في فترة بسيطة صرت اناو بنات الجيران كلنا اصحاب مع العلم اغلبهم اكبر مني
شي بسنة شي بسنتين كنا مجننين كل الحارة دايما صوتنا طالع ال شو
عم نلعب بيت بيوت هههههههههههههه يعني شي ام وشي اب واولاد
كنا نجيب الزرع الاخضر ونخلطو مع المي يعني على اساس ان الام عم تطبخ
هههههههههههههههههههههههههه
بناااااااااااااات صغااااااااااااااار
لما كانت وحدة تغيب من بنات الجيران او كنا نغيب انا او اختي( اصغر مني بسنة)
كل اهل الحارة يستفقدونااااا لانه نحنا الي كنا عاملين جوو فيهاااا
لما كانت صيف والكل بيطلعو يسهرو قدام بيوتهم برا
كانت كل وحدة فينا تنادي على التانية نروح نلعب في نص الحارة وطبعااا بنزعج كل الاهالي في صوتنا
بس كنا صغار وبدنا نلعب , لما ازلاد الحارة كانو بدهم يلعبو كان يقولولنا روحو انتو من هون نحنا بنلعب
في نص الحارة بالليل مو انتو اتو بكفي بالنهار
كنا نتخانق معهم ويستحوو ويتركونا
ال بدل ما نحنا الي نخجل منهم ههههههههههههه
هااااااااااااااااااااااااااااد تلخيص عن اياااااااااااااام طفولتي
ترقبووووو الجزء الثاني من حياتي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
almalika-ayaaa
المـــدير العــام
المـــدير العــام
avatar

عدد الرسائل : 3934
  :
تاريخ التسجيل : 16/08/2008

مُساهمةموضوع: رد: قــصــص من حـــيـــاه الأعضــــاء    الثلاثاء 12 أكتوبر - 10:54



السلام عليكم ورحمة الله وبركاتة

هلا وغلا دموع الفراق

بيسعدني أنك تشاركي معناااااااااااا


بهل المودوووووووع


نورتي


وقرأت الجزء الاول


طفولتك حلوة


وأنا بنتظار الجزء التاني


تحياتي لكي

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
الوردة تمارا
المـــدير العــام
المـــدير العــام
avatar

عدد الرسائل : 3064
  :
تاريخ التسجيل : 16/08/2008

مُساهمةموضوع: رد: قــصــص من حـــيـــاه الأعضــــاء    الثلاثاء 12 أكتوبر - 10:56


وعليكم السلام ورحمة الله وبركاته

ياهلالالالالا وغلا

دموع الفراااااااق

ونحنا منرحب فيكي

وكلنا ائذان صاغية

ونحنا في انتظاااااار الجزء تاني

تحياتي لكي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
دموع الفراق
عضو جديد
عضو جديد


انثى
عدد الرسائل : 6
العمر : 31
  :
تاريخ التسجيل : 27/09/2008

مُساهمةموضوع: رد: قــصــص من حـــيـــاه الأعضــــاء    الثلاثاء 12 أكتوبر - 11:03

بس كبرت شوي ابي صار يغار علي كتير

التلفون ااذا رن وما كان حدا من قرايبنا ممنوع ارد عليه

حتى لو بدي اطلع انشر الغسيل على سطح البيت لازم البس عباية

كنت ممنوعة من لبس البنطلون برا حتى لو مع بلوزة طويلة

انا بقول اسلوب ابي معي كان في محله يعني بهالعمر بالنسبة انه لسه جاهلة

لو الاهل بدهم يتركه اولادهم خاصة البنات يعمله الي بدهم اياه اكيد بيعملوا شي ضدد مصلحتهم

بس في نفس الوقت انا كنت اكتر وحدة مقربة لابي

يعني اذا كان ابي زعلان او متدايق ما كنت حب شوفو هيك كنت دايما بحب الاقي البسمة على

وجهه

لما بيكون متدايق ما حدا كان بيقرب عليه حتى لا يفش خلقه فيه

الا انا كنت روح وامزح معه مع اني عارفة انه وقتها ما بكون طايق المزح

اول كم من مرة عيط علي حتى اتركه لحالو بس انا ما كنت اقبل

يعني حتى لو بدو يفش خلقه انا موافقة بس ما شوفو هيك

كان لم يعيط علي اتدايق من جوا بس اخبيها المهم يرجع لطبيعته

اول مرة صارت معي بعد كل هاد ما رد علي بعدين تركته وانا زعلانة وقمت

شوي هو لحقني بيقلي خلص لا تزعلي يا بابا انا منيح

يعني تلخيص الحديث اني كتير كنت قريبة من ابي

وكان قدوتي بكل شي واهم شي فيه انه الو هيبته واحترامه الكبير في البيت

اما بالنسبة لعلاقتي مع امي امي كتير طيبة وحنونة

كنا كتير قريبين من بعض كانت تفهم علي قبل ما احكي تفهم لعيني

اكيد في اوقات كانت تقسى بس ااااااااااكيد لاااااازم

اولاااااااد صغار وبيجننوها لما كنا بنتخانق انا واختي مع بعض

كانت تعصب كتيررررر ووقتها تعاقبنا

انه ممنوع نطلع من الغرفة او ممنوع عنا المصروف

لحد ما انا واختي بطلنا نتخانق بس بيكون دمنا فاير على بعض هههههههههههههههه

بدنا نضرب بعض بس احترام لامي ما بنقدر نضرب

هههههههههههههههههههه والله ايام حلوةةة

كبرنااا كماان من لما كان عمري 13 سنة الكل كان بيفكرني 18 سنة SadSad

لما صرت 14 حبيت (م) مع اني بعمري ما حكيت معه ولا بعمري قعدت معه في نفس المكان

بس كنت لما بشوفه من بعيد احس اني متعلقة فيه

بعدين صرت الاحظ انه كل يوم بيوصل اخته الي هي بتكون صاحبتي

على المدرسة بس وهو مروح على البيت بدل ما يروح طريقهم كان يجي طريق بيتنا

مع انه بيتهم بداية البلد وانا بيتي نهاية البلد

بس وقتها كان احساسي قوي انه ببادلني نفس المشاعر

مع انه كان حب مراهقين

انا كنت في بداية ال 14 و(م) كان 19 سنة

كنت لما اصحى الصبح بدي اروح على المدرسة , كنت احيانا بصحى وانا حاسة حالي مبسوطة كتير

حتى دقات قلبي كانت ضرباته سريعة
اعرف اني وقتها رايحة اشوفو , وفعلااا وقتها كنت اشوفو

من كتر حبي فيه حسيت انه كل حياتي معه
بس كملت الا 14 عرفت انه خطبني من اهلي واهلي ما ردولهم الخبر

كانو في الاغلب مو موافقين عليه

على اساس انه ابن عمي (ث) كان بدو اياني

في هديك الفترة بتزكر انه الي اتقدمو كتير

وسبحان الله صدق مين قال العين بتقتل

وقتها مرضت وانا في المدرسة واغمى علي

اخدوني على يمكن 3 مستشفيات ما كنت قادرة فتح عيوني

كنت حاسة فيهم بس ما كنت قادرة احكي او اعمل شي

وبالمستشفى كانو يقولو ما فيها شي البنت عمللولي كل الفحوصات والتحاليل

كان كل شي طبيعي

لحد ما اجت عنا مرت عمي وكانت تقرأ علي قرآن(الرقي) و

وكان كمان ابن عمي الي كان بدو اياني يجي معها

اول ما قراتلي صحيت ولا كانه فيني شي

بس تاني يوم رجعتلي نفس الحالة

وقتها بتزكر غبت عن المدرسة حوالي 10 ايام

و كل يوم كان يصير معي نفس الموقف

وكان كل يوم ابن عمي يجيب امه عنا لحتى تشوفني

المهم

في هديك الفترة (م) سافر

اتدايقت كتيررررر قلت انا حاسة انه اهلي رفضوه

وقت الي سافر كنت 15 سنة

بس ضل عندي امل وضل حبه في قلبي

مو بيقولو الحب اعمى مع اني صغيرة بالعمر

واكيد كنت وقتها بفكر بقلبي مو بعقلي

وقتها ابن عمي(ث) اجى يطلبني رسمي من اهلي هو واعمامي

ابوه كان متوفي ,, امه قالت لاهلي نحنا حجزنا البنت من لما كانت صغيرة قلنا انها بنتكم النا

اهلي قالو نحنا ما اتفقنا على هيك بعدين الرأي رأي البنت

قالو طيب اسألوها

انا احترامي كان كبير لابن عمي(ث) كنت بعتبره اخي لكبير

بعمري ما اتخيلت اني اكون اله

بعدين الي كنت بحبه بيكون صاحبه وهو بيعرف انه بدو اياني

اجت امي سألتني شو رأيي قلتلها ما بدي

قالتلي ليه ابن عمك كتير منيح وبحبك ومتعلم

قلتلها ما بدي قرايب , قالتلي ليه قلتلها نسيتو شو صار مع اختي انها خطبيت على ابن عمتي وانفصلو

وبنت عمي اتجوزت على ابن عمتي التانية واتطلقو

ما بدي يصير معي نفس الموضوع

قالتلي امي بس (ث) غير عنهم

والكل بيعرفووه وبيعرفو اخلاقه

قلتلها لا ما بدي بعدين اخدتها حجة انه بيدرس في الجامعة مع اني بحب التعليم كتير

بس المهم بدي في اي طريقة اني ارفض

هو عرف اني قلت عن الجامعة قال للكل

بنت عمي في كف وكل بنات الجامعة في كف تاني

بس كمان هالحكي ما اثر فيني

بعدين رجع ابي وحكى معي بنفس الموضوع

كمان قلتلو لا قلي فكري منيح وبرجع بسألك

قعدت مع حالي عم فكر ,, قلت كل القرايب زعلو مني

ال شو اني انا ما بدي اياه على اساس انه حالته المادية مش كتير

وانا بعمري ما فكرت بالمصاري المهم كنت بفكر مين بحب

قلت يمكن اهلي ما وافقو عليه (عن الي حبيته ) بس اذا وافقت بحس اني عم خونو

مع اني بعمري ما حكيت معه ولا حتى هو كان عارف شو مشاعري

واذا وافقت على (ث) الكل بيرضو وما حدا بيزعل

بس انا نفسي ما رح كون رضيانة لانه راح عيش مع شخص وقلبي مع شخص تاني

رجع ابي سالني ,,,,,, وقلي انتي عارفة انه (ث) الو اسبوع

ما عم يطلع من غرفته بقلو ليه قلي لانه زعلان لانك رفضتي

سكتت قلي شو رأيك قلتلو متل ما بتحب

قلي انتي الي متزوجة مش انا قلتلو انا الي بتقولو موافقة عليه

((البنت ما بتقدر اتعاادي اهلها اكتر من هيك ))

قلي يعني موافقة قلتلو انا بمشي على رايك

وتركته وفتت على غرفتي

ابي قال لعمي اني تقريبا وافقت عمي كان كتير اصحاب هو(ث) راح فورا وقلو البنت موافقة

بعد كم يوم اسغربت انه ابي قلي تعي بدي اسالك قلتلو نعم

كان قاعد هو وامي واخي واختي الكبيرة

قالي بدي اخيرك بقلو بشو

قلي (ث) او (م)

استغربت كتير انه رجع سالني وكتير انبسطت

حسيت حالي عم احلم انه هالشي راح يتحقق

تركته وفتت جوا يعني اني خجلت

اختي لحقتني قالتلي يلاااا قليلي اهلي بدهم يعرفو الجواب

قلتلها قليلهم بدي الغريب ما بدي القريب

قالتلي متاكدة قلتلها اي

قالتلي انتي بتعرفيه

قلتلها كنت بشوفو لما كان بيوصل اخته على المدرسة

وصليت الاستخارة

وكنت حاسة حالي كتير مرتاحيتلو

قالتلي اوك راحت قالت لاهلي

ابي سالها نفس السؤال شو عرفها فيه ,,

قالتلو صلت الاستخارة وحست انها مرتاحة اله

ابي قال لاختي لا ترديلهم الخبر للجماعة ((اختي متزوجة قريبه)) اختي راحت قلت لحماهاا

وحماها فورا قال لاهل (م) لما تاني يوم رحت المدرسة لقيت الكل بيباركلي مع انه ابي قال لا تقولو لحدا

لانه لسه اعمامي وجدي ما بيعرفه شي

بس رجعت البيت لقيت ابي زعلاان كتير كتير

قلي لمين قلتي بقلو عن شو قلي انك ووافقتي قلتلو والله ما قلت لحدا انا فتت على المدرسة لقيت الكل

بيباركلي

بقلو مين قلك قلي اعمامك اتصلو قالو كل البنات في المدرسة بيقولو انه بنتك خطبت ونحنا ما بنعرف

مو صار الحكيان البنت لابن عمها قلهم ابي انا ما رديتلكم الخبر

والبنت ما بدها اياه وهي وافقت في ارادتها على (م) جدي قال لابي اذا بتزوجها لغير (ث) بزعل منك

كتير

ابي قلو انا بعمري ما رفضتلك طلب بس هاي حياة بنتي وهي الي اختارت

ابي اجى قلي هالحكي وقلي انه ما حدا من قرايبي بحكي معو

سكتت ,,, قلي المهم انتي يا بابا انتي الي متزوجة مش هم

وهاي حياتك انتي جد وقتها ابي كبر في نظري اكتر واكتر

انه عادى كل قرايبه اخوانو وابوه لحتى يفرحني انا

وبعد كام يوم كانت قراءة الفاتحة بس هو كان لسه مسافر

اتصل فيني واحد من اعمامي وصار يعيط علي

وقلي اصلاااا هو بيلبس نظارات

قلتلو شوو دخل النظارات عادي المهم الانسان يا عمي في جوهرو مش في مظهرو

وابي كان قاعد قدامي

ابي كان بدو ياخد التلفون حتى هو برد عليه وما يخليه يعيط علي

لانه كل اهلي بيعرفه اني حساسة وما بتحمل حدا يعيط علي

خاصة لما ما بكون غلطانه ,, وبيعرفو اني ما بعرف ارفع صوتي على حدا او خانق

بس لما شافني رديت عليه وبكل هدوء انه الواحد بجوهره مش بمظهره ابي سكت

وعمي قلي بس انا بقلك استني بس ليجي وبعدين احكمي

يمكن ما يعجبك خاصة انه بلبس نظارة قلتلو شوو يا عمي انت عاملي النظارة قصة

طيب خليني قلك شغلة انت لو رحت تطلب وحدة وكمان بتلبس نظارة وعرفت انها ما وافقت عليه

من شان هيك شو بدو يكون موقفك ؟؟ سكت وما جاوبني

قلي خلص انتي حرة وسكر التلفون

بعدين اتزكرت انه عمي كمان بيلبس نظارة

ممممممممممممممم

يمكن احرجته مممممم بس ما كنت بقصد اني احرجه

المهم تاني يوم اتصلت عمتي من بنما

وقالتلي ما بعرف كيف وافقتي اصلاا انتي و(ث) تربيتو مع بعض وانا الي ربيتكم

قلتلهااا انتي قلتيها تربينا مع بعض لهيك بقلكن بعتبره اخي الكبير

يعني نحنااااا اخوة كيف وحدة بدها تتزوج اخوهاا

عصبت وقالتلي بس ترجعي لبيت اهلك تعالي قوليلنااا ساعدوني

قلتلها اذا لا قدرالله ورجعت تعالي واجهيني بالحكي

كمان زعلت وسكرت الخط معي

المهم بعد قراءة الفاتحة بشهر اجى (م) رجع من السفر

ما كنت مصدقة اني راح شوفو واحكي معه كنت وقتها عمري صرت 16 سنة

وقتها من كتر الخجل صار معي مواقف مع امي وخواتي في البيت

مواقف بيضحكووو ههههههههه

المهم اجى واتعرفت عليه عن قريب وحكيت معه

وكتير حبيته اكتر من لما كان بعيد

بقي في البلد شهر ونص ورجع سافر

قعدت فترة الخطبة 8 اشهر

بعدين سافرنا انا واهلي لعندو واعملنا العرس ووقتها كان عمري 17 سنة

هلء استنوني في الجزء التالت (( جزء حياتي ما بعد الزواج)) طولت عليكن في الحكي

ياااااااااااا ريت ما تكونو مليتوو
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
almalika-ayaaa
المـــدير العــام
المـــدير العــام
avatar

عدد الرسائل : 3934
  :
تاريخ التسجيل : 16/08/2008

مُساهمةموضوع: رد: قــصــص من حـــيـــاه الأعضــــاء    الثلاثاء 12 أكتوبر - 11:04


ممممممممممممممممممممممم

يحيا الحب يحيا الاراده يحيا التصميم يحيا بابيتك

صدقيني يا فراق اندمجت بقصتك كتير

كانت تنزل دموع الفرح من عيوني وأنا عم اقرأ القصة

اندمجتتتتتتتتتتتتت في قصتك كتير

بابيتك حقو يخاف عليكي

حقهم اهلنا يخافو علينا من هل الزمن الي نحنا فيه

شخص مابتعرفيه ولا بتحكي معوو وتعلقتي فيه

بصدقك

ممكن نتعلق بااشخاص من خلال الاروااااح بس

حيووووووو الدقات القلب السريعة

كل هيدا عمل فيكي الحب

بس سؤالي هون أنتي كاتبة هيدااااااااا

بس انا نفسي ما رح كون رضيانة لانه راح عيش

مع شخص وقلبي مع شخص تاني؟؟

سؤال هو هل الانسان ازا حب شخص ومااخدو واتزوج غيرو

بضل البو معلق بلي بحبو

وأنا بنتظار الجزء الثالث

لت عملتي فينا متل المسلسل عم نريد نشوف الحلقة الي بعدها

هههههههههههههههههه

تحياتي لكي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
الوردة تمارا
المـــدير العــام
المـــدير العــام
avatar

عدد الرسائل : 3064
  :
تاريخ التسجيل : 16/08/2008

مُساهمةموضوع: رد: قــصــص من حـــيـــاه الأعضــــاء    الثلاثاء 12 أكتوبر - 11:06

قرأت الجزء تاني من قصتك فراق بتمعن

وانشديت الهاااا


الحق معهم الاهل دايماااا تخاف علينااااا

لانهم بيتمنووو النا الخير

حلو الانسان يكون مقتنع في الانسان الي بدو يرتبط فيه

انتي من حد ماشفتيه تعلقتي فيه

بدون ماتعرفي مشاعرو اتجاهك

وبابيتك حس انو انتي مايلة لا (م) اكتر من (ث)

وكتير عجبني وقفت بابيتك جنبك وتفهمو للمودوع

وحب بنتوو تكون مرتاحة وتاخود الانسان الي هية مقتنعة فيه

بالفعل انتي حسيتي (ث ) متل اخوكي لانك تربيتي معوو

جد بحي بابيتك وتفهموووو وقفتو معك

وانا بنتظار الجزء الثالث

تحياتي الك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
دموع الفراق
عضو جديد
عضو جديد


انثى
عدد الرسائل : 6
العمر : 31
  :
تاريخ التسجيل : 27/09/2008

مُساهمةموضوع: رد: قــصــص من حـــيـــاه الأعضــــاء    الثلاثاء 12 أكتوبر - 11:07


اهلين الملكة اية والوردة تمارا

شكرا على ردكم على الجزء التاني

اما عن سؤالك يا ملكة

سؤال هو هل الانسان ازا حب شخص ومااخدو واتزوج غيرو

بضل البو معلق بلي بحبو

اكيد بدو يخف الحب شوي لانه بعيدة عنه ورايحة تتأقلمي مع الجو الجديد

وكمان يمكن تحبيه خاصة اذا هناكي في حياتك معه

بس يمكن اذا صدف وشفت الحب الاول اكيد بدي احنلو كتير

بس لازم يضل في بالي اني متزوجة ومع شخص حبني واحترمني وانا كمان لازم احافظ عليه وعلى العلاقة الي بيناتنا

شكرا ليكم
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
دموع الفراق
عضو جديد
عضو جديد


انثى
عدد الرسائل : 6
العمر : 31
  :
تاريخ التسجيل : 27/09/2008

مُساهمةموضوع: رد: قــصــص من حـــيـــاه الأعضــــاء    الثلاثاء 12 أكتوبر - 11:08


السلاام عليكم ورحمة الله وبركاته

انا اجيت اكمل الجزء التالت

هاد الجزء عن اول فترة زواج والوضع مع العيلة والسلفات

سافرت لعندو واتزوجناا كانت احلااا ايام العمر

الحلووو انك تعيش مع شخص حبيته من قلبك واتعلقت فيه

انك تصحى الصبح تلاقيه جنبك

اول ما اتزوجت عشت مع العيلة الحمدلله كتير مناح وحبوني

عيلتي قعدو شهر معنا ورجعوا على بلدنا وبقيت انا وجوزي(م) وسلفي (مو) في البيت

سلفي كتير احترمته ,,, (مو) كان اكبر من جوزي

كمان كان يخاف علي كتير ويحترمني كوحدة من خواتو

كان عندو اختين متزواجات في نفس المنطقة

اول فترة انا وبنت حماتي ما اتفقنا مع بعض لانه لسه ما كنت بعرفها منيح

او اني اعرف اطباعها ,,, كانت تحكي معي على اساس مزح

وانا طبعا لسه جاهلة كنت باخد الشي انها عم تجرحني في حكيها

ما كنت بحكي شي

لما تكررت الشغلة معي الت بدي اسال جوزي هي ليه هيك بتحكي معي

قلي هي طبيعتها بتمزح كتير بس قلبها كتير طيب

و(مو) حس انه في شي راح سال جوزي

جوزي قلو شو في

جن (مو) وراح اتصل فيها قلها لا تزعليها في شي

انا وقتها زعلت من موقف سلفي قلتله انا اكيد الغلطانة مو هي

لاني انا م عرفت كيف اطباعها

واتصلت فيها واعتزرتلهاا ,, والحمدلله هلء انا اقرب شي عليهاا

حتى اقرب من اهلها واخوانها وخواتها

قبل ما اكمل سنة من زواجي انجبت ولد وسميتو على اسم حماي

حلووووو الشعوووور بالامومة ,,,((الله لا يحرمهم من بيت حدا )) و

بعدين سلفي التاني الي بيكون اكبر واحد في العيلة (أ) خطب وبدويتزوج هاد بعد زواجي بسنتين

سافرو كلهم واجو لعنا ,,, كنا كتير اصحاب يمكن لانه هو اول واحد اتعرفت عليه من بين كل الاخوة والخوات

من اول ما خطبت يعني ,,

قبل عرسو صار شوي مشاكل عائلية بينه وبين اهله بخصوص جهاز العروس

وانا كنت اقنع عيلتي يعملو الي بيريحو , خاصة انه عريس ومو منيح ننزعله فرحتو

بعدين اكتشفت انه قرباتها لسلفتي عم بيقولو اني انا عم حرض عيلتي عليها

وعم احكي كل شي ضددها وضدد عريسها

اتدايقت كتير من هالحكي , وقلت ما راح ادخل فيهم نهائيااا

بعدين اتزوجوو وضلت ماخديتني كعدوة الها

مع اني كتير حبيتها وخاصة انها اصغر مني حسيت انها مسؤولة مني

يعني لما كنت بعطيها رايي بكل شي خاصة لما رجعو عيلتي على البلد بعدين في هديك الفترة

حملت في الولد التاني ,,,

بعد فترة اكتشفت انه كل شي كنت بعمله معها كانت تروح وتحكي لاهلها ولزوجها عكس الي بعمله

وبعد فترة اعرفت انه خالاتها كانو قايليها اعتبريها متل ضرة الك

ولا تعملي شي معها بالبيت ,, وصارت كل يوم تروح لعند اهلها من الصبح لليل لحتى يجي جوزها ياخدها

ويرجعو عنا على البيت بيلاقو العشا جاهز بيتعشوا وبتفوت على غرفتها بتسكر الباب

ولا حتى مساعدة ولا شي , مع انه البيت الها كمان متل ما هو الي

وصارت تزيد مشاكل السلفات ,, وانا والله عم احكيلكم اديه انا انظلمت معها ومع جوزها

مو لاني انا الي عم احكي هلء يعني راح احكي شي منيح عني

بس جد العاقل في هالزمن ما في الو مكان

عم قول يمكن الاحترام الزيادة للاشخاص الي قدامنا بيخلوهم يشوفه حالهم علينا

او انه بيفكرو انه هالصفة في الانسان هبل وغباء

المهم زادت بينا المشاكل

انا بعمري ما عرفت خانق ,,, وكنت ما بدي اعمل المشاكل حاولت اني اتجاهل عمايلها فيني

بس اخر شي ما قدرت اتحمل عشت انا وهي في بيت واحد حوالي 9 اشهر

كتير تعزبت في عيشتي معهم كان سلفي (مو) يحكي لزوجها (أ) ليه دايما مرتك

بالغرفة او عند اهلها وهاي دايما في البيت بتشتغل وبتطبخ

ومرتك بتفوت على البيت لا سلام ولا شي الها ,,,, بتاكل وبتفوت على غرفتها

قالو انت شو دخلك اذا (م)-جوزي- وما حكى

قالو جوزها كمان متدايق كتير وقررو يطلعو من البيت

اجى (أ) نادى علي مرته ما كانت في البيت ولا حتى جوزي قلي ليه بدك تطلعي

قلتلو اول شي اانا حامل بالشهر التاسع هلء

وعندي ولد وكلنا بغرفة وحدة

انا حابة عيش لحالي وكل واحد حر في عيشته

قلي يعني مش انه زعل , قلتلو ليه بدي ازعل من الناس ما بيحترمو الي في البيت ولا بيقدروهم

ما بيستاهلو نزعل منهم او عليهم

سكت قلي بعرف اديه انتي متدايقة من مرتي

بس هي كمان بدها تروح عند اهلها وما بتق

قلتلو ما حدا مانعها اتروح عند اهلها اصلا نيال الي اهله عنده (( انا كنت بعيدة عن اهلي , اهلي بمنطقة وانا بمنطقة تانية )) يعني كنت لحالي وما في قلي حدا هنيك الا الله وجوزي

قلتله بس الاصول اصول والي بدو يقعد في البيت بده يحترم كل الي فيه

وانا بدي اطلع من هالبيت لاني بدي اخد راحتي في بيتي

وبعتقد من حقي يعني الي 3 سنين ونص ساكنة معاكم

بدي اكون لحالي انا وزوجي

عيلتي اعرفو في الموضوع زعلو كتير وقالوو الاخوة بدهم يتفرقو عن بعض

اتصلت فيهم قلتلهم نحنا كل يوم راح نشوف بعض وما راح نترك بعض

...............................

حتى لما طلعنا كمان المشاكل زادت ليه سلفي (مو) اغلب وقته بيجي ياكل عنا وما بيقعد ياكل عندهم في البيت

يعني اشياء تافهااا

اخوه قلو ((أ)) ليه انت دايما عند دار (م) مع انك عايش معنا

قلو انتو دايما طالعين انت ومرتك بالليل وانا برجع على البيت ما بلاقي عشا اغلب الايام

بس عند بيت (م) بلاقي كل شي حتى احترامهم الي غير

......بعدين انا كتير بشتاق لاولادهم وبروح بشوفهم

يعني لوووو بدي اكمل حكي عن المشاكل والظلم الي بيصير بين السلفات ما بخلص

.المهم هلء سلفي التاني(مو) كمان اتجوز انا وقتها كان صارلي 4 سنين متزوجة

هو اتزوج في البلد مو عنا

قلي اروح معه حتى احضر عرسه وجووزي قلي روحي بس ما قدرت

كنت كتير حابة احضر العرس لانه جد اخ الي وافرحتله من قلبي

بعدين الحمدلله سلفتي التانية حسيتها اوعى من الاولى

بس سافرت لعنا حبيتها كتير وكانت كتير محترمة معي

سلفتي الاولى اتدايقت من هالشي خاصة انه هن التنتين صاحبات من ايام المدرسة

صارت هديك تفسدها عني ,,,

بس كانت السلفة الجديدة بتحاول ما تخليها اتاثر عليها

لانه جوزها كان محذرها منها

جوزي كان واقف معي في كل المواقف ... مع اني بعمري ما حكيتلو شي عن الي بيصير حتى ما دايقو

الا اخوانو نفسهم الي يحكو لما كان سفلي(أ)يجي ويقول لزوجي مرتك عملت ومرتك قالت

وانا ما بعرف شي من هالحكي ,, كان كله بس كزب من مرته

حتى توقع بيني وبين زوجي ,, كل قرايبه حاولو كتير يفرقو بيناتنا

اولاد اخوالو واولاد خالاتو حتى النسوان كمان

الكل كانو بيعرفو اديه انا و((م)) بنحب بعض واديه احترامنا كبير لبعض

وخاصة انه ما كان بيخبي علي شي ولا حتى

الا لما كنت بخبي عليه مشاكل سلفتي معي

كتير كان حنون معي ...

صار بعدين شخص من قرايبه بيكون ابن خالته وجوز اخته في نفس الوقت

يحاول يعمل اشياء غلط معي

كان عنده محل وكنا كل اغراض انجيبهم من عندهم

قلت لجوزي ما عاد بدي روح هنيك ,, قلي ليه شو في ,, قلتلو تصرفات ابن خالتك غلط

وانا ما بدي ارجع هنيك ,, قلي طنشيه ولا تعطيه وجه

بتوفتي عندو بس بتقولي السلام وبتاخدي اغراضك

وبتتطلعي .. قلتلو بس ما بطيق تصرفاته .. قلي خلص اعملي متل ما عم قلك

(( انا الي بشتري كل اغراض البيت وبعمل كل شي لحالي ))

رحت اكم من مرة لعنده وصرت اخد ابني معي ,, مع انه الولد لسه صغير كان عمره 4 سنين

كان ابني يوقف عنده وانا اروح اطول الاغراض

وقتها سمعتو بيحكي مع ابني بيقلو ليه اجيت مع ماما

تاني مرة خليك في البيت لا تيجي . ابني قلو انا طالع مع امي مش معك

لما سمعت هالشي ما كملت الاغراض وطلعت من المحل

بس وصلت البيت لقيلت رقمه على الكاشف متصل شي 3 مرات

واتصل كمان وانا في البيت وما رديت عليه

حط مسج قلي ليه انتي هيك ليه طلعتي انتي عارفة اني بحب شوفك

بس قال هيك عصبت كتير وقلت ما عاد فوت المحل عنده

واجى جوزي وسمعتو المسج وقلتلو على الي صار

وقتها صدق كل حكيي عنه خاصة ان كل الزباين صارو يشكو منه

ومن معاملته مع النسوان الي بتفوت المحل

بطلت اروح المحل ... صار جوزي يروح بس يروح من شغلو بالليل

راح سال جوزي صحيح ليه مرتك بطلت تيجي عنا على المحل

قلو شو بدك فيها انت .. انت مش شايفني انا بيجي بشتري الاغراض ليه مرتي بدها تيجي

من وقتها منع اختو انها تفوت بيتنا او انه نحنا نفوت بيتهم وهو في البيت

صرت انا اروح ازورها في النهار ,, سالتني ليه بطلنا نروح نسهر عندهم

قلتلها بتعرفي اخوكي بيوصل متاخر ما بنقدر نطلع بالليل

يعني قلة عقله وقلة دينه وصلوه انه يمنع الاخت عن اخوانها

لحتى يرضي رغباته هو ,,,


((اهلي كانو بيحكو معي كل يوم بس ما كانو بيعرفو شو بيصير معي ان كان من ناحية سلفتي او غيرهاا))

بعد فترة اجو عيلتي عندي كنا صرنا متزوجين النا 5 سنين

وقعدو سنة كاملة في زيارتهم

ومن هون بلشت المشاكل بين السلفات وازواجنا

بس تقرأو عن المشاكل الي صارت بدي رايكم

بس لاني اتاخرت في الكتابة اليوم بنخليهاااا للجزء الي بعده
_______________________

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
almalika-ayaaa
المـــدير العــام
المـــدير العــام
avatar

عدد الرسائل : 3934
  :
تاريخ التسجيل : 16/08/2008

مُساهمةموضوع: رد: قــصــص من حـــيـــاه الأعضــــاء    الثلاثاء 12 أكتوبر - 11:10

السلام عليكم ورحمة الله وبركاتة

حلو الأنسان يعيش مع الي حبو والي اتعلق فيه

قرأت قصنك كلهاااااااا أنتي حققتي وأخدتي الي حبيتي والي فكرتي فيه

ودايما الانسان الا تواجهو المشاكل بس بعتقد أنو بيقدر يتغلب عليها

وأنتي من كتابتك باين عليكي طيبة كتير

لذالك لاتهتمي بمشاكل من هل النووووع

أعملي الي بيرضي ربنااااااااااااااا وبس

بس أنا لافت نظري شغلة

أنو زوج أختو لا زوجك بتقولي بيحاول يعمل معك اشياء غلط

وأنتي حكيتي لازوجك المفروض زوجك مو يئلك روحي

المفروض ما تروحي ابدااااااااااااااااااااااا

المفروض زوجك يحميكي من هل الشي

والشي الي خلاني أستغرب أكتر

أنو الك روحي جيبي أغراضك وطنشي ولاتعطي وجه

ورجع اتمادا معك وكان تصرف زوجك غريب صار هو يروح يجيب من عندو

بدال مايبهدلووووووووو انا بعتقد انو هون زوجك كان كتير غلطاااااااان

وشكراااااا على القصة

تحياتي لكي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
دموع الفراق
عضو جديد
عضو جديد


انثى
عدد الرسائل : 6
العمر : 31
  :
تاريخ التسجيل : 27/09/2008

مُساهمةموضوع: رد: قــصــص من حـــيـــاه الأعضــــاء    الثلاثاء 12 أكتوبر - 11:12


السلام عليكم

شكراا اية على الرد

اما عن الاستغراب الي واجهك

كانت الحجة انه اخته لجوزي اي شي بيصير بينا وبين جوزها بتتحول لمشاكل كبيرة بينها وبين جوزها

انا عارفة انه غلط هالشي مو بس من جوزي مني انا كمان

بس هاد جوزها مجنون كتير ومصلحت اخته كتير بتهمنا كمان
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
almalika-ayaaa
المـــدير العــام
المـــدير العــام
avatar

عدد الرسائل : 3934
  :
تاريخ التسجيل : 16/08/2008

مُساهمةموضوع: رد: قــصــص من حـــيـــاه الأعضــــاء    الثلاثاء 12 أكتوبر - 11:13


اول كلمة مني اليك يخطها مداد القلب وماء العيون

وودت لو كان بالامكان ان اعبر عن مدى احساسي بألمك

وكلما قرأت كلماتك يهتز كياني وهذا ماجعلني اكتب اليكي

من يراك يحبك حبا نقيا صادقا

فلا تحزني

لا تحزني ياصديقتي

هل تسمحين لي في ان اصارحكي بخبرتي

الحب سباق لا تخسري *** الحب عميق لا تغرقي

اصمدي وبنفسك ثقي ***اجعليه زكري ولا تتزكريه

اجعليه كابوسا ولا تحلمي فيه *** من خان لا يستحق دمعة

من خان العهد لايستحق ***من خان العهد لايستحق

ماكل مايلمع ذهب
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
سلطان الكلمات
المشــرف الــعام
المشــرف الــعام
avatar

ذكر
عدد الرسائل : 2013
العمر : 31
  :
تاريخ التسجيل : 01/02/2009

مُساهمةموضوع: رد: قــصــص من حـــيـــاه الأعضــــاء    الثلاثاء 12 أكتوبر - 12:13

الســـــــــلام عليكم ورحمة الله وبركاته ..
أول الشي ... بتشكر جلالة الملكة أية على ها الموضوع الأكثر من رائع
و إلي بعطينا فرصة غنو نحكي قصص عشناها بحياتنا ..
و كل واحد مننا عندو قصص و مواقف كتير حلوة بخلينا نعيشها
مع بعض ..
تاني شي .. بدي أشـــــكر دموع الفراق على قصتها .. أو مسلسلها
إلي عيشتنا فيه بحلوها و مرها .. و أخدتنا من كوكب لكوكب
من صغرها و حتى عمرها اليوم .. الله يطول عمرها
و بتمنالها إقامة حلوة معنا و عن جد كلامها كتير حلو ..
خلت وحي الكتابة يهزني هز ...
الله يديم المحبة ...
و ننتظر المزيد من القصص ..
و انا كمان رح أكتب ..
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
سلطان الكلمات
المشــرف الــعام
المشــرف الــعام
avatar

ذكر
عدد الرسائل : 2013
العمر : 31
  :
تاريخ التسجيل : 01/02/2009

مُساهمةموضوع: رد: قــصــص من حـــيـــاه الأعضــــاء    الثلاثاء 12 أكتوبر - 13:18

بداية عشتها و نهاية عم أســـــعى حققها ..
قصة بدي أحكيها بقصص كتير عشتها و تعلقت فيها
ذكريات حلوة عشتها و ذكريات مرة عشتها ..
موهبة دخلت بحياتي بعمر صغير :: الرابعة عشر من عمري ::
و صار عمرها معي عشر سنين ..
وسنة عن سنة عم تكبر و عم تتألق ..
في البداية كانت كلمات عابرة تنكتب على ورق بلحن صغير
ممكن تكون إغنية بس لو تتعدل بتطلع أحلى و صار عمرها خمس
سنين صارت تحلى و تحلى و اليوم صارت تتأكد
بكل كلمة إلها معنا و كل كلم إلحها وتر ونغم تحكي عنها ..
شوفو وين كنا ووين صرنا ..
عناوين صارت أحلى لقصص عشتها بحلوها و مرها
بحبها و بخدعها و بنهايتها مرة تكون فاشلة و مرة تكون سعيدة ..
عناوين تحكي عني و عنك وعن الزمن و الدنيا و الهوى ..
عناوين تعاتب القلب و سوء الإختيار ..
و عناوين بترضى بحكم القدر و تحضن جروح الفرقة ..
ومرة ومن أحلا الكلمات ..... عشت بقصة حب حسيت فيها ملك الدنيا
ما عدى و لا بيعدي عليي قصة بتشبهها ..
بداية القصة تفكير و كتب مفتوحة عن حياتنا و أسألة عن أخبارنا
بالماضي و كيف بنعيش بالمستقبل .. ووصلت كلمة بحبك بعد شوق
عبا قلوبنا ... بس ... إكتشفت الناس حوليها بيفروقنا
بيحكو عني كلام ما بعمري عشته ::: أخلاق تعبانة و حشاش هههه لانو بيسمع
جورج وسوف و إنسان مش عربي و كلمات ما بتعبر عن شخصيتي :::
مرة و مرتين و تلاتة و عشرة بفهمها ها الناس عوازل و بتغار مننا
بس للأسف و بعد ما عطيتها كل شي صدقت الناس و كذبتني ..
ما هتميت لا بجرح و لا بألم و لا دورت على دوى يشفيني ...
تعودت على قصص الحب الفاشلة مرة أنا بفشلها و مرة بتفشل من أحبابي ..
مابلاقي حالي إلا قدام وراقي ... بجمع قوافي و بركب وزن و لحن معين
و بيشرف الوحي الكتابي و عن ها القصة كتبت كتير
متل :: حساب يرضيهم إلي شفتوها بقسمي :: أو :: إنتي هوايا ::
أو .. بعدك بقلبي .. بدي أحكي شي البنت و الله أطيب من الطيب
بس عذرها بتسمع كل الناس و قرارها بيكون بطيئ .. لذالك كان كلامي ... الله معك ...
.... .... ....
بتعدي فترة حزن ما بتتجاوز الأسبوع .. و بيرجع قلب المغرم إلي بيدور على حبيب
و قصة جديدة ... نفس العمر و نفس شهر الولادة أنا أكبر بيومين
حب جديد من غير وطن .. علم و أخلاق و جمال ...
بس الفرق هي فوق الريح ::: سيارة و كوافير يومي و لبس جديد :::
و انا معتر يا ها الإنسان باصات و حلاق شهري و جبنة و زيتونة و حصيرة
قالت ما بيفرق بالحب و ما في فرق فقير وغني .. انا حبيتك و حبيت جواك
حبيت أخلاقك و الطيبة إلي بتحملها ..
فكرت و فكرت كتير ... بدي غير بها الحب إشيا كتير
نحنا إســــــــلام بنتقيد بالدين .. شروط و حجاب و صلاة
حاولت و بشكل بسيط ببرنامج كل يوم طلب جديد ..
مرة لازم تصلي .. و مرة لازم تقرأي قرأن .. و مرة بس يصير شي رسمي بينا
لازم تلبسي حجاب ...
موافقة على كل شي ...
طيب أنا بعيد عنك 400 كيلو متر تقريباً .. شو بصير عندك ما بعرف
يا ترى عم تنفذي شروط حبيبك ..
و على الثقة انا ماشي ... إسبوعياً بشوفها بس
على مدار قصة حب دامت أربعة أشهر و عسرة أيام ..
بلأخر بطلع قال أنا الخسران ..
مصاري و مال في .. شهرة بخمس بثواني بتكون على التلفزيون
بس حريتي الشخصية ما بحب حدا يتدخل فيها ..
انا ما بدي مادة و مال .. بدي عيش مستقبل بالحلال ..
وبلأخر :: إتصال ::
البنت يا حضرة العاشق تزوجت إمبارح من مصمم أزياء
بها السرعة تزوجت دخيلك ياربي ..
إا بدك تزعجها بدنا نزعجك ...
له يا رجل ما بزعجها الله يستر عليها ...
بعد كلام حلو و شروط إسلامية رح تتطلع أكبر كسبانة بالدنيا
نكبت الكلمات بالريح .. و بقي أخوكم المتحدث جريح ...
يضرب الحب شو بيزل ..
و بلأخر برجع لمكتبتي لورقي و قلمي ..
و عنواين جديدة بأغاني رح تكون بعون الله الأولى على مستوى الغناء ..
و عن القصة عنوانين كتيرة :: إنت إختياري :: :: ميا و نار :: :: بداية و إنتهت ::
:: ع بيدر هواكي :: :: وداعاً يا هوى ::

كل غنية مترخة بتاريخ كتابة الأغنية ... بجانب التاريخ
بطلة القصة ..

و متل ها القصص كتير .. رح تشوفوها بردود جديدة
و إن كان دموع الفراق بحلقة و حلقتين ... ديرو بالكم انا مسلسل تركي
ههههههههههههههههههههه

الله يديم المحبة بقلوبنا ...
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
سلطان الكلمات
المشــرف الــعام
المشــرف الــعام
avatar

ذكر
عدد الرسائل : 2013
العمر : 31
  :
تاريخ التسجيل : 01/02/2009

مُساهمةموضوع: رد: قــصــص من حـــيـــاه الأعضــــاء    الثلاثاء 12 أكتوبر - 15:00

و عن القلب الوفي و الوفى بها الدنيا كتير ...
و عن قصص الوفى مليانة بها الزمان
و للوفى عندي كلمات و الله ما بيحب يرددها اللسان ..
شخص تعرفت عليه معرفة عمل .. و بمجرد أقل من شهر
صرنا غاليين على قلوب بعض ..
ما بشتغل شي إلا بمشورته و ما بيعطيني شي إلا لكون معه ..
قلت عن طريقه بقدر أصل لنقطة محددها بمخيلتي توصلني لحلم يتحقق
و مرة عن مرة عم يشوفني عم أكبر و ما عم يقدر يصححلي ..
إستاذ كبير بمعنى الكلمة وواصل لشهرة كبيرة كتير ..
طبيب جراح و تشكرات أفندم و غيرها من أغاني تسجلت بالتاريخ ..
زعل مجنون موضوع إغنية عن الغيرة مطلعها غريب بلهجة بدوية
على نمط اللهجة إلي بيتقنها إستاذنا ..
حققك عليي أشتاق لك ... حقي عليك تصون
تحتاجني و أحتاجلك ... حاجة نظر لعيون
غيري انا لو غازلك ... كأن مكان يكون
أزعل ترى لو شاغلك ... أزعل زعل مجنون ..
... ... ...
شاف الطلع داخ .. صفن صفن صفن قال رويدا عطية بدها تكون
صوتها لها الكلام رح يكون قنبلة ..
قلت خير إن شاء الله ..
بس يا صديقي الكلام بدو شوية تعديل مع العلم صرلو فترة كتيرة ما قلي
عن أي إغنية كتبتها إنها بدها تعديل و قلي خلص يا أيمن
صرت تعلك الكلمة و تزتها بمحلها و ما حدا بيقدر يعدلك ..
تذكرت ها الكلام ...
بعد فترة بخبره مش موجود .. بعد فترة رد عليي
أنا مسافر لبيروت عندي شغل .. بعد فترة نزل ألبوم رويدا عطية
تحت عنوان بلا حب :: ضمن الألبوم إغنية بعنوان زعل مجنون ... كلمات : .........
دخت .. سمعت الأغنية مطلعها كلامي ما تغير حرف
المقطع التاني و التالت غير ...
عرفت بعد ها الوفى إلي عطيتو أدى لسرقة بغشمنة كنت فيها انا السبب
تذكرت لما حاولت أيام أقدر أصل لها الإنسان و قدرت وصلت عن طريقه
و هو إلي طلبني ... و تذكرت كلماته إنت موهبة وموهبة كبيرة بين شباب اليوم مافي منك
تعا نعدل تعا نظبت بعرفك وبعرفك وبعرفك ..
ولووووووووووووووووووو ه شو ها الوفى ..
طلع الكبير سارق بعد ما غطاني بجناحه ..
شفتو وقلت شو صار ليش هيك عملت .. قال الكلام دخل مخي
و بصراحة ما نسيتك انا جاي أعطيك حصتك .. لك شو حصة ما حصة
ليش أنا راكض على المادة أنا بدي شهرة لإسمي ..
قلي يا إبني السمك الكبير بياكل السمك الصغير مع إبتسامة حقد ..
ولووووووووووووووووووه على الوفى وفي يا إستاذ وفي
وحتى ما تطلع زعلان أخي انا عندي حل إلك ..
كم إغنية كاتب على كل وحدة 5000 ليرة وحتى لو بدهم تعديل ..
فكرت و حسبت مصاري كتير .. بس التعب ما بيتقدر بالمال ..
حملت حالي و قلت ..
بكرا بيجي يوم و تندم على ها اللحظة إنت صحيح كبير
بس كنت كبير لوقت معين ..
و السمك الصغير عم يكبر و السمك الكبير ختير
و رح يجي يوم تندم على هيك عرض ... الشاعر الكبير سارق
و انا عندي حقوق ورح حاسبك على كل كلمة بزعل مجنون
و إنت بتعرف لما المجنون بيزعل كيف بيكون
....
و بعد مرور القصة 6 شهور
دعاني لمصالحة و ما جيت
بعد ما شاف اعمالي فترة عن فترة عم تصل لمسامع الناس
و إسم جديد لشاعر أغاني جديد عم نكتب بألبومات و منوعات السوق الغنائي
و إعترف بأحد اللقاءات إنه في شاعر جديد رح يبصم على الهوى إسمه
بخياله حلم كبير و صار مع الحلم تحدي ...
و إذا بيبقى على ها المشـــــــــــــوار ... رح يكسب التحدي
......
الوفى موجود بها الدنيا ... بس صعب بها الزمن إنك تلاقيه
.......

و القصص لم تنتهي ..
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
سلطان الكلمات
المشــرف الــعام
المشــرف الــعام
avatar

ذكر
عدد الرسائل : 2013
العمر : 31
  :
تاريخ التسجيل : 01/02/2009

مُساهمةموضوع: رد: قــصــص من حـــيـــاه الأعضــــاء    الثلاثاء 12 أكتوبر - 15:45

لك تســـــــــــــع سنين و انا عم حبك تسع سنين
و ما عرفتي مشاعري تجاهك كل ها السنين
إيه و الله حبيتا تسع سنين ...
جوا ها السنين حبيت كتير لاني كنت حس غنها ما تحس فيني
و كل مرة بفشل بقصة حب برجع إلها متل الطير إلي مستني يطير
مت الأرض إلي محتاجة مي ..
جوا قلبي ما حدا يسكن غيرها .. ومعها سكنو كتير وفلو
و كل مرة بحاول إنســـــــــــــــاها و فكر بيغيرها
إضغط على قلبي ووجعو بس برجعلها ..
صرحت بحبي إلها بعد مرور تسع سنين ..
قالت ... إنت ما كنت بتوقع ..
كنت قول عنك يا أيمن بعمرك ما بتحب و لا بتعرف الحب
ما بعرف شو بدي قلك خايفة إجرحك و إبكي عليك و لوم حالي
خايفة ضيعلك ها الأيام و كون سبب فشلك ..
بصراحة عدت عليي أيام حبيتك من كل قلبي ..
بس كنت إحسبها وقول غنت قريبي و بعرف كيف بتعيشو
مشاكل البيت و زعلكم مع العيلة و إشيا كتيرة تحاول تبعدني عنك
و لما جيت و حكيت شفت حالي نسياتنك ... الله يخليك سامحني
انا قررت ما أخد قريب .. لأني متل ما عم تشوف بالعيلة كيف وشو عم يصير ..
سمعيني منيح غنتي بتعرفي إنو ما بعمري تدخلت بمشاكل العيلة ..
و بتعرفي إنو العيلة بتحسني غريب ..
بنتزوج و بنعيش لحالنا لا بدنا مشاكل و لا بدنا نوجع راسنا ..
كلامك منطقي يا أيمن و انا هيك فكرت ..
بس في شي عم يمنعني عنك ..
وشو هو ها الشي .. صدقني ما بعرف
بيجوز لأنو نسيتك مع غنك أكتر الناس قريب لقلبي
و حلمت كتير إني كون حدك إغفى على إيدك بس ما بعرف شو بصرلي
عقلي مشرد ...
سألتها بتحبي قالت بالوقت الحالي إيه .. لأانو حسيت إنك نسيتني
و كيف حبك .. قالت بخير و كتير بنحب بعض صرلنا سنة
حلو كتير و ياترى رح يتقدملك ..
قالت عن قريب كتير بس يخلص جامعة بيقلو أقل من سنة
و أنا كمان بكون خلصت معهد و بنتزوج ..
الله يخليك لا تزعل مني و لا تنجرح و كون انا سببك
سامحني إنت بستاهل أحسن مني ..
وصارت العناوين تنكتب كانت في أول :: إنت حبيبي :: :: الشمس بتنطفي ::
:: جروح الفرقة :: :: بعدك حبيبي :: :: تعي و سمعي :: و كتير وكتير وكتير ..
تغيرت العناوين وصارت :: أيام زمان :: :: خصلت القصة :: :: شوية حنية ::
:: من غيرك :: و كمان كتير و كتير ..
ما قدرت إنسا و حاولت حبيت كتير وفشلت
بلاقي حالي لما أرجع لوراقي صورتها ما بتفارق خيالي ..
بعد إلي صار بشهر قررت أهجر الحب ..
و حكم القرار بخطوبة .. و قلت بالخطبة بصير حب
و بقدر إنسا إلي بقلبي و أهجر قصص الغرام
و الله و لحد اليوم يمكن إذا دورت بكل الدنيا ما بلاقي متل ها البنت
صلاة وصيام بحجاب عيونها ما بتبين .. ما بتعرف بالدنيا شي غير
الله و إمها و أبوها وصارت تعرف أيمن ..
وفعلاً حبيتها أحلى حب ..
كل يوم ما أسمع صوتها شي عشرين مرة ما بقدر أشتغل
و يا سلام على الكلام لما كون معها .. إركض غكتب عناوين عن جد
كلام بمحله .. :: صرتي إلي :: :: إنتي الغنية لمكتبتا :: :: تغيرت حياتي ::
و الله وكتير عناوين أحلا من الحلا ..
......
و للقصة بقية ...
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
قــصــص من حـــيـــاه الأعضــــاء
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
الملكة آية :: القسم الأدبي :: مذكــرات الأعضاء ومدوناتهم-
انتقل الى: